Yoga Vasistha — Utpatti Prakarana (Creation), Sarga 122, Verses 30–33

आगता ब्रह्मणो भुक्त्वा संसारमिह लीलया । पुनर्ब्रह्मैव संस्मृत्य ब्रह्मण्येव विलीयते ॥ ३० ॥ शिवाद्राघव नीरूपादप्रमेयान्निरामयात् । सर्वभूतानि जातानि प्रकाशा इव तेजसः ॥ ३१ ॥ रेखावृन्दं यथा पर्णे वीचिजालं यथा जले । कटकादि यथा हेम्नि तथोष्णादि यथाऽनले ॥ ३२ ॥ तदेतद्भावनारूपे तथेदं भुवनत्रयम् । तस्मिन्नेव स्थितं जातं तस्मादेव तदेव च ॥ ३३ ॥