Yoga Vasistha — Nirvana Prakarana Uttara (Liberation, Part 2), Sarga 152, Verses 12–18

इहस्थं मामिमं त्वं च न त्यक्ष्यसि सपर्यया । अहं भवद्भिः सहितो निवत्स्यामीति निश्चयः ॥ १२ ॥ साधो यातेषु वर्षेषु ततः कतिपयेष्विह । सर्वबन्धुविनाशस्ते दुर्भिक्षेण भविष्यति ॥ १३ ॥ मत्तसीमान्तसामन्तविग्रहेण तदैव च । सर्वो गृहात्तनुप्राणिर्ग्रामकोऽयं विनङ्क्ष्यति ॥ १४ ॥ इहैवैकत्र कस्मिंश्चित्तरुखण्डकजालके । समाचारौ निवत्स्यावः शून्ये चन्द्ररवी यथा ॥ १६ ॥ उत्पत्स्यते त्वरण्येऽस्मिन्कालेन वनमुत्तमम् । शालताललताजालवलिताखिलभूतलम् ॥ १७ ॥ तालीतमालदलताण्डवमण्डिताशं व्याकोशपद्मवनवन्द्यविकासिवृक्षम् । कूजच्चकोरचयचारुलतानिकुञ्जमुद्भासि नन्दनमिवागतमन्तरिक्षात् ॥ १८ ॥